- #jEwrites
- Feb 20, 2018
- 2 min read
aaj bahut din ba.ad maiñ apne kamre tak aa niklā thā juuñ hī darvāza kholā hai us kī ḳhushbū aa.ī hai
(Jaun Elia)
ab jo rishtoñ meñ bañdhā huuñ to khulā hai mujh par kab parind uḌ nahīñ paate haiñ paroñ ke hote (Jaun Elia)
ab to us ke baare meñ tum jo chāho vo kah Daalo vo añgḌā.ī mere kamre tak to baḌī rūhānī thī (Jaun Elia)
bahut nazdīk aatī jā rahī ho bichhaḌne kā irāda kar liyā kyā (Jaun Elia)
hāsil-e-kun hai ye jahān-e-ḳharāb yahī mumkin thā itnī ujlat meñ (Jaun Elia)
hamla hai chaar sū dar-o-dīvār-e-shahr kā sab jañgaloñ ko shahr ke andar sameT lo (Jaun Elia)
har shaḳhs se be-niyāz ho jā phir sab se ye kah ki maiñ ḳhudā huuñ (Jaun Elia)
ik ajab aamad-o-shud hai ki na maazī hai na haal 'jaun' barpā ka.ī nasloñ kā safar hai mujh meñ (Jaun Elia)
ilaaj ye hai ki majbūr kar diyā jā.ūñ vagarna yuuñ to kisī kī nahīñ sunī maiñ ne (Jaun Elia)
jo guzārī na jā sakī ham se ham ne vo zindagī guzārī hai (Jaun Elia)
kaise kaheñ ki tujh ko bhī ham se hai vāsta koī tū ne to ham se aaj tak koī gila nahīñ kiyā (Jaun Elia)
kaun is ghar kī dekh-bhaal kare roz ik chiiz TuuT jaatī hai (Jaun Elia)
kitnī dilkash ho tum kitnā dil-jū huuñ maiñ kyā sitam hai ki ham log mar jā.eñge (Jaun Elia)
kyā kahā ishq jāvedānī hai! āḳhirī baar mil rahī ho kyā (Jaun Elia)
maiñ bhī bahut ajiib huuñ itnā ajiib huuñ ki bas ḳhud ko tabāh kar liyā aur malāl bhī nahīñ (Jaun Elia)
merī bāñhoñ meñ bahakne kī sazā bhī sun le ab bahut der meñ āzād karūñgā tujh ko (Jaun Elia)
saarī galī sunsān paḌī thī baad-e-fanā ke pahre meñ hijr ke dālān aur āñgan meñ bas ik saaya zinda thā (Jaun Elia)
us galī ne ye sun ke sabr kiyā jaane vaale yahāñ ke the hī nahīñ (Jaun Elia)
ye mujhe chain kyuuñ nahīñ paḌtā ek hī shaḳhs thā jahān meñ kyā (Jaun Elia)
ye vaar kar gayā hai pahlū se kaun mujh par thā maiñ hī daa.eñ baa.eñ aur maiñ hī darmiyāñ thā
(Jaun Elia)
